Thirrje për Realizim Materialesh Video

Qendra ”Be the Change” është duke implementuar projektin “Të orientuar drejt suksesit në karrierë. Identifikimi i nevojave dhe mundësive për zhvillim ”. Kjo iniciativë mbështetet financiarisht nga Agjencia Kombëtare e Rinisë (AKR) dhe Ministri i Shtetit për Rininë dhe Fëmijët.

Në kuadër të këtij projekti, Qendra “Be the Change” shpall thirrjen për Realizim Materialesh Video.

Detyrat që  subjekti do të kryejë janë:

1. Krijimi i 5 filmave të shkurtër sensibilizues:

• Koordinimi me të rinjtë si aktorë protagonistë, duke siguruar që temat e diskriminimit të trajtohen në mënyrë të ndjeshme dhe efektive.

• Filmimi dhe prodhimi i filmimeve të standardit të lartë për 5 video, që do të përfshijnë mesazhe rreth diskriminimit për shkak të gjinisë, racës, orientimit seksual, aftësisë së kufizuar, dhe moshës.

• Post-produksioni i videove, përfshirja e efekteve vizuale, zërave dhe muzikës së përshtatshme, si dhe finalizimi i tyre për publikim.

2. Realizimin e një videoje me infografikë që pasqyron rezultatet e një studimi:

• Krijimi i përmbajtjes vizuale që do të pasqyrojë rezultatet e studimit përmes infografikave të qarta dhe të kuptueshme.

• Bashkëpunimi me me menaxheren e projektit për të marrë të dhënat e studimit dhe për t’i prezantuar ato në një mënyrë vizualisht tërheqëse.

• Përgatitja e materialit vizual dhe montimi i të dhënave për të krijuar një video finale që pasqyron raportin studimor në mënyrë grafike.

Kulifikimet e nevojshme

• Përvojë dhe ekspertizë në realizimin e materialeve video. 

• Aftësi për të punuar me një supervizim minimal.

• Menaxhim efektiv i kohës dhe përmbushje brenda deadlineve të detyrave.

Proçedura e aplikimit: 

Aplikantët e interesuar duhet të dorëzojnë ofertën e tyre financiare (në ALL); 

Ekstraktin nga QKB 

Për çdo informacion të mëtejshëm ju lutemi kontaktoni në adresën: [email protected]                                                   

Afati i fundit për dorëzimin e aplikimit është data 10 Prill 2024

Aplikimi mund të dërgohet në një zarf të mbyllur ose me email në adresat e mëposhtme:                         

Me zarf të mbyllur:  Termi i referencës: Realizim materialesh video/Person Fizik . Qendra BE THE CHANGE;                                                                                                                Rruga e Kavajës, Pall SPEED, Tiranë, Shqipëri

Email: [email protected]