THIRRJE PËR AGJENCI KREATIVE

Qendra “Be the Change” është duke implementuar projektin “Saranda në Botën Virtuale”, i cili mbështetet nga Programi Rajonal për Demokracinë Vendore në Ballkanin Perëndimor 2 (ReLOaD2), financuar nga Bashkimi Evropian dhe zbatuar nga UNDP.

Ky projekt ka filluar të zhvillohet në Janar 2024 dhe përfundon në Tetor 2024. Ai synon që “realitetin” e atraksioneve kulturore, arkeologjike dhe natyrore të Sarandës t’i sjellë në “botën virtuale” përmes digjitalizimit dhe promovimit të tyre në mënyrë inovative nëpërmjet “Saranda Explore”, një aplikacion i dedikuar në web.

Përmes kësaj thirrjeje për aplikim, ftohen Agjencitë Kreative që operojnë në fushën e dizajnit dhe teknologjisë së informacionit, për ndërtimine e një Platfome Interaktive në Web dhe krijimin e Librit Digjital në 2 versione (Shqip- Anglisht).

Përshkrimi i produkteve:

Dizenjim dhe ndërtim i pltaformës “Saranda Explore”

  • Blerja e domainit dhe të gjithë elementëve të tjerë të nevojshëm për ndërtimin e platformës;
  • Integrimi në platformë i materialeve të përgatitura për promovimin e qytetit të Sarandës;
  • Bashkëpunimi me stafin dhe ekspertët e tjerë të projektit, mbi mënyrën e prezantimit dhe elementët që do të përmbajë platforma;
  • Mirëmbajtia e platformës për deri në 5 vjet.

Realizimi i Librave Digjitalë

  • Përgatitja e 2 librave digjitalë (Shqip- Anglisht) dhe hartave digjitale sipas informacionit të vënë në dispozicion nga stafi i projektit.
  • Dizenjimi profesional i librave digjitalë duke harmonizuar imazhet dhe tekstet informuese.
  • Materialet duhet të ekportohen High Quality në formatet RGB dhe CMYK.
  • Formati të jetë i aksesueshëm për web, mobile dhe Print.
  • Formati i dizenjimit të bëhet në programin Adobe Indesign. Rezolucioni i fotove të jetë 300ppi.
  • Madhësia maksimale produktit për web mos të tejkalojë 10 MB.
  • Të prezantohen 3 shembuj dizenjimi para se të proçedohet me formatin final.

Subjektet duhet të dërgojnë:

  1. Cv e përditësuar
  2. Liçencë për ushtrimin e aktivitetit, referuar Ekstraktit nga QKB
  3. Numrin e llogarisë bankare

Në adresën elektronike: [email protected]

Mundësia për të aplikuar zgjat deri në datë 22.04.2024.